$628 飞东京香草之坐后报告 Travel 佳

(Presented by Vanilla Air)

Travel佳成日同大家讲,去旅行嘅第一宗旨就係smart spending,出去玩唔一定要豪玩,但一定要使得精明,所以LCC(Low Cost Carrier)对Travel佳嚟讲一样係个好选择,只要时间靓、服务好、物超所值,Travel佳一样会推介。

早几日同朋友新年小聚,讲起去日本旅行,大家都认为虽然日圆6算好抵,但机票价钱就长期高企,想平玩日本,特别係去东京扫货,LCC的确係一个最好嘅选择。而Travel佳啱啱年尾就试咗之前买落$628单程飞东京嘅香草航空,究竟整体嘅感觉係点?立即同大家「些牙」!

Checkpoint 1 舒舒服服凌晨去晚返

放得假去日本旅行,当然想玩足咁多日,早去晚返最实际!

不过,如果细心比较下其他航空公司嘅来回香港同东京嘅航班,无论係飞成田定羽田,一係就朝早5点落地,连公共交通都欠奉,一係早机出发去到当地都中午,特别係冬天出得市区都接近天黑,实在好扫兴!最惨係回程嘅时间,一係就半夜起飞,要喺街上足足流连一日等上机,三更先返到香港,一係就要你下昼3点几就喺新宿搭车去机场,前后计落足足冇咗一日又辛苦,去旅行点解要咁阴功先?

$628 飞东京香草之坐后报告  Travel 佳

反观今次坐香草航空,日日都有2班机出发,有凌晨同下昼机拣,班淩晨机去程出发係02:00,去到东京成田係07:05,返到新宿嘅酒店大约係早上10点,歎过早餐即可出发去扫货!回程时间係20:40,啱啱入黑6点几先出发去机场,返到香港都係01:00,点都好过朝早落机唔知瞓唔瞓好啦!

$628 飞东京香草之坐后报告  Travel 佳

Checkpoint 2 改票冇难度

坐LCC最惊係乜?当然係改票同行李问题!想悭啲budget去扫货,所以先一早订机票啫!但如果真係有事去唔到,好多人都担心全数机票钱就此作废。

不过,香草航空就有唔同嘅票价类型,分为原味香草Simple、缤纷香草Inclusive以及心动香草Campaign。原味香草Simple程新一季价格由$648起,包咗10kg嘅手提行李,最重要係只要俾每段$305同差价就可以更改航班同日期,就算一早订好机票,有改动时都唔会蚀啦!

$628 飞东京香草之坐后报告  Travel 佳

更甚者係,如果购买$918起嘅缤纷香草Inclusive,更包埋20kg嘅寄舱行李,并可以预选座位,而更改航班更只需每段$40同差价,更可以办理退票,绝对够晒flexibility啦!

Checkpoint 3 日式机上服务

坐LCC就冇啖好食?相信大家对日式嘅服务水準都有番咁上下信心吧!香草航空係ANA全资子公司,日本公司,日本质素,空中服务员当然礼貌十足。而更令Travel佳有惊喜嘅係特别嘅餐饮,重点推介香草航空特製阳光奶油麵包,入面係满满嘅奶油忌廉,实在同食开硬绷绷嘅飞机麵包完全唔同。

$628 飞东京香草之坐后报告  Travel 佳

另外,机上仲有气球牛奶布甸供应,呢只牛奶布丁係用咗成田梦牧场嘅牛奶作为原料,再包喺一个气球入面,只要用牙籤一笃就会爆开,感受到浓厚嘅奶味同滑嘟嘟嘅布甸,绝对係一个飞行中嘅乐趣!两款美食都不过係350yen,计落只係港纸$22.8咋!

$628 飞东京香草之坐后报告  Travel 佳

Checkpoint 4 买航空公司手信

唔讲你唔知,其实Travel佳我係一个标準嘅飞行迷,好锺意收集唔同航空公司出品嘅纪念品,喺成田机场T3 food court嘅旁边,有一间称为V Store嘅舖头,入面有林林总总你估唔到嘅香草航空纪念品出售,Travel佳就特别推介一啲memo、贴纸同香草熊仔,醒目嘅蓝黄色真係见到都令人开心!

$628 飞东京香草之坐后报告  Travel 佳

讲到尾,有飞先最实际,如果一票难求嘅话又点去先?Travel佳就check过,佢哋啱啱推出嘅2016年夏季票价,适合3月27日至10月29日出发,单程最平$648起,仲有大量嘅机位,4月樱花季同8月尾暑期旺季仲有唔少日子可以订到$648嘅机票,计落都係$1,561来回连税*,想4K平游东京?实在冇难度啦!快啲手喇喂!

$628 飞东京香草之坐后报告  Travel 佳

$628 飞东京香草之坐后报告  Travel 佳

香草航空官网

香草航空facebook: Vanilla Air Hong Kong

*价格截至8/1

上一篇: 下一篇:

相关文章阅读